PD kërkesë në Gjykatën Kushtetuese për komisionin e Beketit

Partia Demokratike dorëzoi sot në Gjykatën Kushtetuese kërkesën për vendimin e Kuvendit për mosngritjen e komisionit hetimor për çështjen Beketi.

Kërkesa u dorëzua në ‘Kushtetuese’ nga nënkryetarja e PD-së, Grida Duma dhe Sekretari i Përgjithshëm Gazment Bardhi, të cilët e quajtën anti-kushtetues vendimin e Kuvendit.

“Kryeministri Edi Rama ka frikë të hetojë edhe është përgjegjës për miliona euro që duhet të paguajë shteti shqiptar”, u shpreh deputetja Duma.

Më 14 tetor, mazhoranca e rrëzoi propozimin opozitës për ngritjen e Komisionit Hetimor me 77 vota kundër. Vetëm 46 deputetë votuan pro.

Çështja Beketi

Sipërmarrësi italian Francesko Beketi kishte një koncesion që nga viti 1997 për ndërtimin e hidrocentralit të Kalivaçit. Ai gjithashtu themeloi kanalin televiz Agon Channel. Në vitin 2009, prokuroria sekuestroi të gjitha pasuritë e Beketit në Shqipëri, përfshi Agon Channel dhe hapi hetime për pastrim parash.

Qeveria i hoqi Beketit edhe koncesionin e Kalivaçit për mosplotësim të kontratës së koncesionit.

Por, biznesmeni Beketi i çoi të gjitha çështjet në arbitrazh. Në lidhje me sekuestrimin e Agon Channel, Beketi e paditi Shqipërinë për sulm politik ndaj investimeve të huaja. Arbitrazhi i dha të drejtë biznesmenit, duke i cilësuar veprimet e shtetit shqiptar të parregullta dhe me ndikim politik.

Si rezultat Beketit dhe investitorëve të tjerë të Agon Channel shteti shqiptar duhet t’u paguajë rreth 109 milionë euro.

LEXONI GJITHASHTU:

• ‘Qeveria përndoqi Becchettin’, Arbitrazhi: Shteti shqiptar do paguajë 108 mln euro për sulme politike