PD kundër përfshirjes së ‘primit’ në sistemin zgjedhor shqiptar

Prej disa javësh në Kuvend ka nisur zyrtarisht puna për reformën e re zgjedhore.

Sekretari për çështjet zgjedhore në Partinë Demokratike, Ivi Kaso shprehet se këto ndryshime të reja në ligjin zgjedhor nuk duhen bërë vetëm formalisht, apo për të kënaqur dëshirat e partive apo individëve të veçantë.

“Shpresojmë që të mos jetë ushtrimi i radhës nga partnerët ndërkombëtarë, thjesht për të kënaqur rekomandimet e ODIHR-it, por të jetë një përpjekje e përbashkët për të vënë pikat mbi ‘i’, mbi problemet e rënda që kanë zgjedhjet sot në Shqipëri”, tha Kaso.

Kaso hedh poshtë idenë e implementimit të PRIMIT në sistemin elektoral shqiptar. Me fomulën e PRIMIT partia më e votuar merr një bonus dhe sipas tij do i falej pushtet në tavolinë Partisë Socialiste.

“Primi do të thotë pushtet pa votë, pushtet pa dëshirën, mbështetjen dhe pa vullnetin e shqiptarëve. Jemi kategorikisht kundër këtij qëndrimi.

Sipas tij, sistemi elektoral dhe ndryshimet në Kodin Zgjedhor duhen parë si të lidhura ngushtë edhe me ndryshimet që mund t’i bëhen ndarjes territoriale.

“Për sa kohë ka edhe një komision të ngritur me vendim të parlamentit për të adresuar Öështje të reformës territoriale, duhet pare me kujdes pikëprerjet që puna e dy komisioneve do të ketë”, theksoi ai,

Në Komisionin e Posaçëm të ngritur në Kuvend nga PD e drejtuar nga Berisha merr pjesë vetëm Oerd Bylykbashi.

LEXONI GJITHASHTU

• 7 korriku, Berisha: Besoj se partitë opozitare do i bashkohen protestës
• Berisha: Bordet e ngritura nga qeveria, mekanizma për të rritur çmimet