PD mbledh kryesinë për herë të parë pas zgjedhjeve të 11 majit

Partia Demokratike do të zhvillojë mbledhjen e parë të kryesisë pas zgjedhjeve të 11 maj dhe në prag të rinisjes së Parlamentit te ri.

Mbledhja pritet të mbahet ditën e mërkurë në orën 13:00.

Burime për Euronews Albania bëjnë me dije se në mbledhje pritet të diskutohet për qasjen e PD me Parlamentin. Gjithashtu, brenda kësaj jave pritet mbledhja edhe e Këshillit Kombëtar të PD.

Ndryshimi në lidershipin e partisë, drejtimi i grupit Parlamentit dhe qasja që PD do të ketë me këtë institucion, bashkë me një proces analizimi dhe freskimi të anëtarësisë në bazë, janë tre çështjet që paraqiten si prioritetet kryesorë të forcës më të madhe opozitare në vend.

Për lidershipin e partisë, edhe pse Sali Berisha ka kundër nenin e famshëm të statutit që e detyron të largohet, nuk priten ndryshime në kohën e afërt.

LEXONI GJITHASHTU:

• “Detyrimi më absolut i PD”, Berisha: Betejë për të vërtetuar shkeljet zgjedhore
• Kolegji Zgjedhor certifikon zgjedhjet e 11 majit, rrëzohet ankimi i PD-ASHM