Partia Demokratike pritet të kryejë analizë të thelluar për zgjedhjet e 25 prillit

Muajt e verës i gjejnë demokratët në një analizë të thelluar brenda vetes për rezultatin e 25 prillit.

I ndarë në disa faza, analiza do të zhvillohet në të gjitha nivelet, duke filluar nga çdo grup seksioni e deri në nivel qarku.

Për këtë arsye, degët e partisë brenda datës 1 korrik duhet t’i paraqesin drejtuesit politik të qarkut, analizën e rezultatit të zgjedhjeve, duke përfshirë parametrat e performancës në raport me objektivat e synuara.

Për këtë qëllim, në çdo degë të partisë ngrihet një grup pune. Më pas, brenda 5 korrikut drejtuesi politik i qarkut paraqet raportin përmbledhës në nivel qarku ndërsa më 10 korrik raporti i kalon Kryesisë. Analiza pritet të zgjasë deri në 30 shtator.

Përpara kryesisë, kreu i PD deklaroi se ishin demokratët që kërkuan vazhdimin e betejës.

“Detyra jonë efshtë të përgatitemi me të gjitha format dhe mjetet për këtë përballje. Një përballje që kërkon që Partia Demokratike të jetë e gatshme për ta kryer detyrën e saj ndaj regjimit një orë e më parë, sepse Shqipëria, shqiptarët dhe demokratët nuk mund të presin deri në 2025”, ka deklaruar Basha.

Veç analizës, në mbledhje u miratua edhe thirrja e Kuvendit Kombëtar në 17 korrik, i cili do të vlerësojë mundësinë për ndryshime në statut, e për këtë është ngritur një Komision i Përhershëm Statutor, i cili brenda 10 korrikut i paraqet Kryesisë, mendimin mbi nevojën e ndryshimeve në statutin e Partisë dhe propozimet konkrete për ndërhyrje në statut.

E për këtë, anëtari i kryesisë, Fatbardh Kadilli shpreson që ndryshimet në statut të bëhen realitet.

Po ashtu në rendin e ditës së kuvendit kombëtar të 17 korrikut është edhe zgjedhjen e Këshillit Kombëtar të Partisë Demokratike, një vit përpara përfundimit të mandatit.

LEXONI GJITHASHTU:

Nishani në “Raw Politics” tregon manipulimin e zgjedhjeve brenda PD: Basha ka më pak se 30% të votave

Basha mesazh kandidatëve që e sfiduan në garë: Është koha të hidhemi në betejë

Gara në PD, kryedemokrati Basha merr 81% të votave, ndërsa Shehaj 14,8%