PD organizon protestë në Elbasan për rritjen e çmimit të karburanteve

Përfaqësues të Partisë Demokratike në Elbasan kanë iniciuar një protestë paraditen e së martës në sheshin kryesor të këtij qyteti.

Protesta po zhvillohet për shtrenjtimin e çmimit të karburanteve, megithatë, deri më tani ka një pjesëmarrje të ulët të qytetarëve.

Ftesa nga ana e PD-së për pjesëmarrjen në protestë ka qenë për të gjithë qytetarët e qarkut të Elbasanit.

Tre ditë më parë, Bordi i Transparencës caktoi çmimet e reja për karburantet.

Çmimi i naftës, tanimë është 245 lekë për litër, benzina 204 lekë dhe gazi 77 lekë.

Çmimet e caktuara nga Bordi do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

LEXONI GJITHASHTU

• Rritet ndjeshëm çmimi i naftës dhe benzinës
• ‘Shteti i dobët takson konsumin’, Soko: Kemi ngarkesën më të madhe fiskale te nafta