PD reagon për incerenatorët, Basha: 24 mln euro aferë me koncesionin e plehrave në Fier

Pas investigimit të bërë në emisionin “Me pak fjalë” të gazetarit Neritan Sejamini mbi inceneratorët, ka reaguar edhe Partia Demokratike. Lulzim Basha u shpreh se këto kontrata duhet të hetohen menjëherë nga SPAK.

Pas investigimit të bërë nga Euronews Albania për aferën e incerenatorëve, në bashkëpunim me BIRN, në emisionin “Thjeshtë, me pak fjalë” të gazetarit Neritan Sejalimi, reagoi edhe opozita e Bashkuar.

Kryetari i Partisë Demokratike Lulzim Basha ishte në Lushnjë, ku ngriti shqetësimin e funksionimit të incerenatorit të Fierit, që është në të njëjtën situatë me atë të Tiranës, janë paguar para por nuk është ndërtuar asnjëherë.

“Vetëm për incerenatorin e Fierit kanë marrë nga taksat e shqiptarëve 24 milion euro dhe incerenator nuk ka për të mos folur që në vet vetë është një aferë korruptive. SPAK-u do të detyrohet ta hetojë dhe të çoj para drejtësisë dhe prapa hekurave këdo që është përfshirë në këtë vjedhje masive”, tha Basha.

Në emisionin “Thjeshtë me pak fjalë”, gazetarja e BIRN Albania deklaroi se incerenatorit i Tiranës është një aferë koruptive pasi janë bërë verime të dyshimta financiare nga ana e autoriteteve shtetërore për një shërbim që nuk është dhënë.

“Në këtë rast kemi një sinkronizim të një morie institucionesh për të dhënë kontratave me vlerë qindra milion euro pasi ne e dimë që incerenatori i Tiranës është një mamuth në krahasim me dy kontratat e tjera pa garën pa procedura, pa llogaritur kostot që do të rendojnë mbi publikun, mbi taksa paguesit shqiptar duke krijuar një monopol nga hiçi. Dhe duke i dhënë atyre benefitin duke i paguar ata praprakisht pa vënë asnjë tullë nga buxheti i shtetit”, deklaroi Aleksandra Bogdani.

Për incerenatorin e Fierit SPAK ka regjistruar tashmë një procedim penal.