PD tregon skenarin e 6 dhjetorit: Si do përballemi me Edi Ramën

Shefi Organizativ në Partinë Demokratike, Klevis Balliu thotë se më 6 dhjetor qytetarët do të dalin në bulevard dhe do të protestojnë përballë Kryeministrisë.

Në emisionin “Now” në Euronews Albania, Balliu u shpreh se protestën nuk mund ta ndalojë askush.

Balliu dha edhe disa detaje në lidhje me protestën.

“Protesta është kundër Edi Ramës. Skenari? Do dalin qyetarët në shesh, te bulevardi, përballë Kryeministrisë. Kush nuk e lejon? Kush pyeti te këta që të marrim leje? Nuk merret leje, njoftohet. Policia ka kthyer përgjigje, e dini ju cilit nen i është referuar policia për të bllokuar protestën? Një neni që e ka hedhur poshtë Gjykata Kushtetuese.

Do të protestohet përballë Kryeministrisë. Do të ketë pankarta, do të jenë fjalimet, kemi bërë thirrje për një protestë paqësore, është një protestë që do të japë mesazhe për mbarë botën, që shqiptarët nuk janë kriminelë, por kanë qeverinë kriminale. Do të jetë një protestë entuziaste”, theksoi ai.

LEXONI GJITHASHTU

• Berisha: Samiti i 6 dhjetorit në Tiranë i jep goditjen fatale Ballkanit të Hapur
• Deklarata e fortë e Frrok Çupit: Berisha nuk futet dot në Itali
• “Protesta do mbahet para Kryeministrisë”, Berisha: Bashkia të mos përzihet