“Pedagogët trajtohen si armiq”, Xhixho: Paratë të mos shkojnë për aferat korruptive

Deputetja Erisa Xhixho, në një intervistë për Euronews Albania, është shprehur se pedagogët po shpërfillen nga qeveria dhe pse kërkesat e tyre janë të drejta.

Xhixo theksoi se paratë e buxhetit të shtetit të shkojnë për pedagogët dhe studentët, e jo për aferat korruptive.

Më tej theksoi se një nga shtresat që vuan më shumë nga rritja e çmimeve, janë studentët.

“Mendoj se protesta që ka javë që vijon dhe greva e pedagogëve, do të kisha dëshiruar që të kishte një përgjigje të menjëhershme. Kemi një arrogancë, kemi një mospërfillje të kërkesave, pedagogët trajtohen si armiq, ndërkohë ato po ngrenë alarmin për pagat e tyre.

Alternativa është mjaft e zgjidhshme. Paratë janë, çështja është që këto para që janë shtuar buxhetit të shtetit që shkojnë për aferat korruptive, të shkojnë për studentët e pedagogët. Një nga shtresat që vuan më shumë rritjen e çmimeve  dhe këtë situatë ekonomike janë studentët.

Qeveria i ka paratë dhe për të mbështetur pedagogët, dhe për t’i çuar në at nivel që ata kërkojnë dhe kërkesat e studentëve, mjafton që paratë që ka mbledhur t’i përkthejë për shtresat në nevojë dhe studentët”- tha ajo.

LEXONI GJITHASHTU: 

• Erisa Xhixho: Synojmë 11 mandate në Tiranë, 35 në rang kombëtar
• Partia e Lirisë mbështet protestën e pedagogëve, Xhixho: Kërkesat janë legjitime