Pedagogia Skenderi: Për kë “hiena” e ka fjalën Kryeministri

Pedagogia Elsa Skënderi ka folur këtë të premte në emisionin “Review”, me moderatore Greta Topjana, lidhur me protestën qytetare në Tiranë, e cila nisi si një kundërshtim ndaj projektit të Zvërnecit. Skënderi komentoi fjalimin e Kryeministrit në 35-vjetorin e PS-së, duke thënë se, sipas saj, Rama nuk iu drejtua siç duhet protestuesve.

“Ajo që më preku nga protesta ishte pikërisht fakti që, për ta lidhur pak me simbolet, diku aty tha: ‘Qëndrojini larg hienave’. Nuk e di se për cilat hiena e kishte fjalën, sepse në protestë ka thirrje edhe kundër opozitës. Kushdo që mund të ketë hapur një dritare në Kryeministri do ta ketë dëgjuar. Nuk e di cilat janë hienat. Janë fëmijët tanë? Janë studentët e mi? Janë aktivistët, qytetarët që janë të vuajtur dhe të përmalluar për fëmijët e tyre? Cilët janë?” – drejtoi pyetjen ajo.