Peka: Non grata e Berishës s’është fare problemi i PD-së

Ish-zv.ministri i Brendshëm, Avenir Peka tha në një intervistë për Euronews Albania se shpallja non grata e Sali Berishës nuk është problem i PD.

Peka u shpreh se largimi i Berishës nga grupi i PD nga ana e Bashës është i paligjshëm. Sipas tij, nëse Basha do e kishte lënë këtë vendim në dorë të kongresit të partisë, sot do ishte kthyer në PD si hero.

“Nëse unë do isha Basha do kisha marrë deklaratën e DASH që Berisha shpallej non grata, do kisha mbledhur kongresin, Sali Berisha është Sali Berisha për të gjithë ne. SHBA e ka shpallur non grata, unë e kam për detyrë që për hir të miqësisë  me SHBA ta largoj, ju jeni ata që vendosni. Unë ngre dorën për largimin e Berishës. Nëse largohej në atë kohë, sot do kthehej si hero”, tha Peka.

LEXONI GJITHASHTU:

• Ish-zv-ministri Peka: Basha na dha dajak! Largoi 50 mijë demokratë se nuk e votonin
• Peka godet Ramën: I ka grabitur zgjedhjet, ja makinacionet që përdori