Peleshi: Këtë vit do të ndërtojmë qendrën operacionale të mbrojtjes kibernetike

Ministri i Mbrojtjes, Niko Peleshi deklaroi se këtë vit do të ndërtohet qendra operacionale e mbrojtjes kibernetike.

Në një deklaratë për mediat, Peleshi u shpreh se po në 2023-shin, njësia ushtarake e mbrojtjes kibernetike do të ketë plotësuar 100% kapacitetet e veta njerëzore.

“Viti 2023 do jetë viti kur njësia ushtarake e mbrojtjes kibernetike do të ketë plotësuar 100% kapacitetet e veta njerëzore. Jemi në proces rekrutimesh, kemi ndryshuar strukturën, kemi trefishuar numrin e ekspertëve në strukturë, tani po rekrutojmë ekspertë të rinj të sigurisë kibernetike, kemi rritur pagat.

Specialistë të fushës IT dhe të fushës kibernetike, janë profesionet më të paguar dhe më të kërkuara në tregun e punës. Deri më tani i kemi rritur ndjeshëm. Do ndërtojmë qendrën opercionale të mbrojtjes kibernetike. Kemi filluar bashkëpunimet me qendrën në Estoni, viti 2033 kur anëtarësimi do jetë i plotë dhe do jemi kontribues të kësaj qendre”, theksoi ai.

LEXONI GJITHASHTU

• Sulmi kibernetik, Banka Credins: Llogaritë dhe asetet bankare janë të sigurta
• Sulmi kibernetik, Gjykata e Apelit heq masat e sigurisë ndaj 5 punonjësve IT
• Poli Hoxha: Arrestimet e IT, për t’i vënë kapakun skandalit me sulmet kibernetike