Pengmarrja në Tiranë/ Berisha: Rendi është në dorë të krimit

Sali Berisha ka reaguar pas ngjarjes së bërë publike një ditë më parë ku një 28-vjecare ishte mbajtur peng për 1 javë dhe ishte dhunuar fizikisht nga bashkëjetuesi i saj.

Përmes një deklarate për mediat Berisha shprehet se jeta në Tiranë bëhet gjithnjë e më e pasigurt sepse rendin në dorë e ka krimi dhe mafia.

“U ndala në këtë rast dramatik, sepse muaj më parë, një vajzë nga Kenia, 19-vjeçare, që punonte në një kazino, u masakrua. Klithmat e saj ranë në vesh të shurdhër. Vrasësi është i sojit të qeverisë. Vetëm qeveria arrin të heshtë, të shkatërrojë, të rrënojë të gjitha provat për të mbrojtur ministrat e saj kriminelë që fshehin krimin. Tirana është pra sot, qytet ku dominon ligji i mafies, ku dominon mafia. Mafia e Tiranës, duke pasur parasysh se ka pushtetin, është mafia më e rrezikshme e Europës. Ajo tejkalon Ndrahhetën, Sakra Korona Unitën, tejkalon të gjitha grupet mafioze, sepse kreu i saj është qeveria mafioze shqiptare”, tha Berisha.

LEXONI GJITHASHTU:

• Mbajti peng për 1 javë bashkëjetuesen dhe e dhunoi fizikisht, arrestohet 31-vjeçari
• “Më dha drogë, donte të më mbyste”- Dëshmia e vajzës që u mbajt peng nga i dashuri