Pengmarrje dhe të shtëna me armë në një spital në Pensilvani, vritet polici

Një sulm me armë zjarri ndodhi në spitalin UPMC Memorial në York, Pensilvani, mëngjesin e së shtunës, ku humbi jetën një oficer policie dhe u plagosën pesë persona.

Autori i sulmit, Diogenes Archangel Ortiz, 49 vjeç, u vra nga forcat e rendit pas një situate pengmarrjeje në njësinë e kujdesit intensiv (ICU).

Sipas autoriteteve, Ortiz mbërriti në spital i armatosur dhe mbajti peng disa anëtarë të stafit mjekësor.

Gjatë ndërhyrjes së policisë, ai qëlloi mbi oficerët, duke plagosur dy prej tyre, të cilët ndodhen në gjendje të qëndrueshme.

Mes të plagosurve janë gjithashtu një mjek, një infermiere dhe një punonjës i mirëmbajtjes.

Oficeri Andrew Duarte, i cili humbi jetën në detyrë, ishte pjesë e forcave të rendit që nga viti 2022 dhe më parë kishte shërbyer në Departamentin e Policisë së Denverit.

Guvernatori i Pensilvanisë, Josh Shapiro, e quajti atë një “hero” dhe premtoi mbështetje për punonjësit e shëndetësisë të prekur nga ky incident tragjik.

Hetimet vazhdojnë për të përcaktuar motivin e sulmit, ndërsa spitali është shpallur i sigurt.

LEXONI GJITHASHTU:

• Izraeli vonon lirimin e të burgosurve palestinezë, armëpushimi në rrezik
• Policia britanike në alarm: Asnjë gjurmë nga 23-vjeçarja e zhdukur prej pesë ditësh