Pentagoni: 140 ushtarë amerikanë janë plagosur në luftën e Iranit

Pentagoni njofton se rreth 140 pjesëtarë të forcave amerikane janë lënduar në luftën me Iranin.

“Shumica dërrmuese e këtyre plagëve janë të lehta dhe 108 ushtarë kanë rikthyer tashmë shërbimin,” tha zëdhënësi i Pentagonit, Sean Parnell, në një deklaratë me email.

Ai shtoi se tetë prej tyre aktualisht janë “shumë të lënduar”.

Këto shifra ofrojnë herë të parë një pasqyrë mbi shkallën më të gjerë të lëndimeve që kanë pësuar trupat amerikane pas një vale sulmesh me raketa dhe dronë hakmarrës nga Irani, që gjithashtu shkaktuan vdekjen e shtatë ushtarëve në Kuvajt dhe Arabinë Saudite.