Për 10 vite përdorues heroine, Marseli rrëfen për “Real People” momentet e vështira

Prej 10 vitesh, Marseli ishte i varur nga heroina dhe gjatë kësaj kohe ka përjetuar momente të vështira.

Disa prej tyre, Marseli i ka treguar për emisionin “Real People” në Euronews Albania.

Ai u shpreh se ka pasur dhimbje të forta dhe prej 5 muajsh, konsumon metadinë në mënyrë që të lërë heroinën.

“Të dhembin gishtat, shumë, gjunjtë, puplat. Kur je shtrirë, bie trupi në qetësi. Fillojnë dhimbjet dhe sikletet nëse nuk e pi, të llahtarshme. Unë një herë i kam provuar ato dhimbje atë natë, që i shkova atij shokut dhe më dha ilaçin që u qetësova. Mua ma japin për 3 ditë, me këtë po e le heroinën. Pi 40 nga kjo, që të mos e pi këtë, e mora vendimin para 5 muajsh.

Mendova të gjithë historinë time, të jetës sime, të familjes sime. Më ka lënë prej kohësh gruaja, pa u bërë goca 1 vjeçe. Mori plaçkat dhe iku te babai i saj. Mbase vjen një ditë që mund të bashkohemi prapë. Nuk e lija dot se nuk duroja dot dhimbjet e mia, të trupit tim, nuk i duroja dot”, theksoi ai.

LEXONI GJITHASHTU

• “S’na folën, u mërzitën”, Vjollca tregon si e pritën djemtë daljen e saj televizive
• “Miqtë më bërtisnin pse fola publikisht”, Vjollca tregon momentet e vështira
• “U njoha me Zenunin ditën e fejesës”, Vjollca me ‘çantën n’krah’ rrëfen jetën e saj