Për herë të parë një bimë rritet në dheun e marrë nga Hëna

Shkencëtarët kanë rritur bimët në dheun e marrë nga Hëna për herë të parë, një hap i rëndësishëm për të bërë të mundur qëndrimin afatgjatë në Hënë, raporton BBC.

Studiuesit përdorën mostra të vogla pluhuri të mbledhura gjatë misioneve Apollo 1969-1972 për të rritur një lloj bime.

Për habinë e tyre, farat mbinë pas dy ditësh.

“Nuk mund t’ju them se sa të habitur ishim”, tha Anna-Lisa Paul, një profesoreshë e Universitetit të Floridës, e cila ishte bashkautore e studimit.

Bimët, qoftë ato të mbjella në një mostër hënore apo ato të mbjella në kushte normale tokësore, dukeshin të njëjta deri rreth ditës së gjashtë.

Pas kësaj, u shfaqën dallime. Bimët e rritura në dheun e Hënës nisën të zhvillohen më ngadalë dhe përfunduan të vyshkura.

“Ky studim është i rëndësishëm për qëllimet afatgjata të eksplorimit të NASA-s, pasi ne do të duhet të përdorim burimet e gjetura në Hënë dhe Mars për të zhvilluar burime ushqimore për astronautët e ardhshëm që jetojnë dhe veprojnë në hapësirën”, tha shefi i NASA-s, Bill Nelson.

LEXONI GJITHASHTU:

• Astronomët zbulojnë të dhënat e reja për temperaturën në planetin Neptun
• Astronautët kinezë kthehen në Tokë pas 183 ditësh në stacionin hapësinor