Përballja Trump-Biden, diplomati Muhamed Halili: Debati përfundoi si ballkanas në çështje personale

Diplomati në Maqedoninë e Veriut, Muhamed Halili, analizoi në Goodmorning Albania me gazetaren Esmeralda Mulaj debatin e parë presidencial mes kandidatëve Donald Trump dhe Joe Biden.

Halili tha se e kishte ndjekur me vëmendje debatin, por tha se “nuk ishte një debat i posaçëm për të thënë diçka të re, por u thanë vetëm gjëra të dëgjuara deri më tani”.

“Normalisht, debati u përqendrua në atë që është aktuale në gjithë botën, virusi korona dhe efektet negative të tij në ekonomi, edhe pse kishte shumë argumente për të thënë, mbase Biden i ruan për më vonë, ai këto i tha përciptazi dhe jo bindës, ndërsa Trump u mbrojt mirë kundër kritikave për dështime në luftën kundër koronavirusit. Edhe për ekonominë Joe Biden nuk ishte bindës,” – analizoi Halili, teksa shtoi se në fund “si për karakteristikë ballkanike” debati u përqendrua në çështje personale.

Diplomati tha se në tërësi udhëheqësi i Shteteve të Bashkuara nuk duhet të ketë një diskurs të ngjashëm me atë që u pa në debatin e parë.

Halili u shpreh se nga ky debat nuk u kuptua qartë se kush ishin konceptet e fushatës së secilit, kjo me gjasë, sipas tij, prej ndikimit që ka pandemia te çështjet ekonomike, por dhe politike duke i lënë gjërat të pasigurta.

Sipas Halitit, qeverisja e Trumpit ka qenë me defekte dhe me shumë kontradikta dhe që e irrituan opinionin botëror, duke përmendur këtu nënçmimin e NATO-s, marrëdhënieve me BE-në apo dhe me koronavirusin, por këto duhet të ishin temë e diskutimit të Biden gjatë debatit të parë presidencial, që në fakt nuk u përmendën.

Lexoni gjithashtu:

Përballja Trump-Biden, analisti Haçkaj: S’pati debat dhe as mesazh qëndror

Përballja Trump-Biden, debati i parë presidencial i mbushur me tension

Kush është Donald Trump, nga bizneset miliardere tek drejtimi i Shtëpisë së Bardhë

Kush është Joe Biden, karriera politike nga senator i Delauerit deri në zëvendëspresident

Përballja Trump- Biden, gazetari Bajrush Morina: Kandidatët kishin energji të tepërt