Përballje emocionuese në Champions League, Dortmundi pret Milanin në Gjermani

Emocionet e Ligës së Kampionëve do të vijojnë edhe të mërkurën, ku 16 skuadra zbresin në fushën e lojës, mes tyre dhe kampionët në fuqi të Manchester Cityt.

Përballjet mes të mëdhenjve nuk mungojnë, ndërsa pas plot 21 vitesh, Dortmundi dhe Milani përballen me njëra-tjetrën në një ndeshje direkte. Ndeshja e fundit mes tyre daton më 18 mars, aty ku fitonte Dortmundi, ndërsa ajo e dhjetorit të 2002, u fitua nga kuqezinjtë, të cilët edhe pse dolën të dytët në grup ngritën lart trofeun. Situata tanimë është ndryshe, kualitetet ndryshojnë shumë nga ajo epokë po ashtu dhe forma e të dy ekipeve. Në grupin F, përballen dhe ekipet e sheikëve, Newcastle pret në shtëpi PSG-në, ndërsa anglezët cilësohen favoritë për fitimin e 90 minutëshit.

Kampionët në fuqi të Manchester Cityt udhëtojnë drejt Gjermanisë, aty ku i sfidon Leipzig, i cili në përballjet direkte nuk i ka mirë punët me anglezët. Në sfidën e fundit, the cityzens fitonin 7-0, me një dominim absolut, teksa paralelisht në Serbi luhet Crvena Zvezda-Young Boys. Në grupin H, Barcelona dhe Porto do të vendosin se cila prej tyre do të udhëheqë, ndërsa përballen me njëra-tjetrën në Dragao. Pas 5 golave të pësuar nga katalanasit, Antëerp kërkon të reagojë, teksa shanci më i mirë është Shakhtar Donetsk, me ukrainasit të cilët po ashtu vijnë pas disfatës ndaj Porto.

Atletico e ka ende të freskët në memorie goli ne pësuar nga portieri Provedel i Lazios, ndërsa e pret një tjetër ndeshje e vështirë, ajo ndaj Feyenoord në shtëpi. Celtic, si e vetmja skuadër pa pikë e grupit E, pret në shtëpi Lazion.