Përdorim dhe tregtim të kokainës në lokal, dy të arrestuar në Krujë, një nën hetim

Një 24 vjeçar në Krujë i identifikuar si F.Sh është arrestuar ditën e sotme pasi kishte përshtatur lokalin e marrë me qira për përdorim dhe tregtim të kokainës dhe të kanabisit.

Policia bën me dije se në pranga ka rënë dhe 35-vjeçari A.B, kamarier i lokalit të përshtatur për këtë veprimtari kriminale.

Në hetim është vënë një 23-vjeçar, klient i lokalit, pasi u kap duke konsumuar lëndë narkotike.

Gjatë kontrollit që shërbimet e Policisë ushtruan në lokalin e marrë me qira nga 24-vjeçari dhe ku ishte kamarier shtetasi A. B., u gjetën dhe u sekuestruan në cilësinë e provës materiale, 4 qese farmaceutike me lëndë narkotike kanabis, një peshore elektronike dhe një pjatë porcelani, me mbetje të lëndës narkotike kokainë.

“Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme, për veprat penale “Prodhimi dhe shitja e narkotikëve”, “Përshtatja e lokalit për përdorim droge” dhe “Moskallëzimi i krimit”, në ngarkim të shtetasve F. Sh. dhe A. B., ndërsa në ngarkim të shtetasit D. S., për veprën penale “Prodhimi dhe shitja e  narkotikëve”- njofton policia.

LEXONI GJITHASHTU: 

• Nikollë Lesi: Si nisi lufta ime ndaj Fatos Nanos me 1 shkrim të Rudina Xhungës
• Xhafa: Vaksninimi anticovid u bë për njeriun e ri që po projektohet
• Gazetarja: Pse nuk ka asnjë ministër dhe deputet që të dalë përballë meje