Përdornin 10-vjeçarin për përfitime në Tik Tok, lihen në burg babai dhe gjyshja

Gjykata e Beratit ka caktuar masën e sigurisë “Arrest me burg pa afat” për Natasha Rombula dhe Armando Kumaraku.

Natasha së bashku me djalin e saj, ranë në prangat e policisë për shkak të përdorimit të gjyhës fyese në rrjetin social Tik Tok.

Ata shfrytëzonin djalin e mitur të Armandos, 10-vjeç, për arsye përfitimi, duke e mësuar të shante dhe fyente me fjalë të rënda në rrjetin social me qëllim që të rrisnin shikueshmërinë e videove të tyre.

Djali i mitur jetonte me të ëmën e divorcuar në Kuçovë, ndërkohë që Armando Kumaraku dhe Natasha Rombula jetonin në qytetin e Sarandës.

Nënë e bir ishin bërë të njohur në rrjetin social Tik Tik, ku shpërndanin video me nje fjalor denigrues.

Ishte e ëma e 10-vjeçarit ajo e cila kallëzoi në polici ish-bashkëshortin dhe ish-vjehrrën për përdorimin e të miturit për video me fjalë banale në rrjete sociale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.