Përdornin qendrat e masazhit për prostitucion, Prokuroria çon në gjyq 2 vëllezërit

Prokuroria e Tiranës ka mbyllur hetimet dhe ka çuar për gjykim 2 vëllezërit Mario dhe Andi Roshi, administratorë të 2 qendrave masazhi, të cilët rekrutonin femra për t’i punësuar si masazhatore, por më pas i detyronin të kryenin shërbime seksuale kundrejt pagesës.

Nga hetimet prokuroria provoi se pasuritë e tyre, nuk justifikohen nga të ardhurat dhe dyshohet se rrjedhin nga veprimtaritë kriminale.

Për këtë arsye me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Tiranë, u sekuestruan pasuritë e mëposhtme të cilat nuk justifikohen nga të ardhurat e ligjshme të siguruara ndër vite: ‘Njësi’, sipërfaqe 34m2; ‘Apartament’ me sipërfaqe 106.4m2, rruga ‘Hoxha Tahsin’;  ‘Post Parkimi’ me sipërfaqe 41.2 m2 në Tiranë; dhe Tre automjeteve tip ‘Benz’, ‘Volksëagen’ dhe ‘Scoda Octava’.

Për sa më sipër, Prokuroria pranë Gjykatës së Shkallës së Parë të Juridiksionit të Përgjithshëm Tiranë, kërkoi dërgimin në gjyq për veprën penale “Pastrimi i produkteve të veprës penale ose veprimtarisë kriminale” e kryer në bashkëpunim, për dy të pandehurit.

LEXONI GJITHASHTU:

• Aksion në Korçë kundër basteve të paligjshme, arrestohen 10 persona
• Përfundon aksioni policor në 21 lokacione në Mitrovicë, arrestohen 16 persona