Aksion në Korçë kundër basteve të paligjshme, arrestohen 10 persona

Policia e Korçës ka kryer kontrolle masive në disa lokale dhe ambiente në Korçë të dyshuara për aktivitetin e paligjshëm të lojërave të fatit.

Nga kontrollet e kryera, janë identifikuar tre raste të organizimit të lojërave të fatit në mënyrë të paligjshme.

Si rezultat i operacionit policor të koduar “Cazino”, u vunë në pranga 10 persona, mes tyre tre pronarë lokalesh dhe shtatë klientë të cilët u kapën duke organizuar dhe luajtur lojëra fati përmes kompjuterave dhe celularëve.

Gjatë aksionit u sekuestruan si prova materiale 9 monitorë kompjuterash, 13 aparate celularë, tableta si dhe një sasi parash.

Personat e arrestuar më konkretisht nga operacioni “Cazino” janë:

• Klajdi Leka, 21 vjeç
• Gjergji Panolli, 36 vjeç
• Alfred Male, 57 vjeç
• Leonard Muçollari
• Elton Ryka
• Elton Sovjani
• Ermir Kanollari
• Mateas kanollari
• Rudenc Mucollari
• Agron Tushini.

Materialet hetimore janë referuar në Prokurorinë e Korçës për veprime të mëtejshme, ndërsa policia ka paralajmëruar vijimin e aksioneve për të ndalur këtë veprimtari të paligjshme.

LEXONI GJITHASHTU:

• Komiteti i Internacionales Socialiste, Rama: Është koha jonë për të qenë pjesë e BE
• Dhunoi të moshuarin me pasojë vdekjen, Prokuroria Fier dërgon për gjykim autorin