Përdorte biznesin privat si pikë për shitjen e kokainës, në pranga i “forti” në Fier

Një 27-vjeçar u arrestua nga policia e Fierit, pasi u ndalua duke shitur lëndë narkotike të llojit kokainë në sasi të vogla.

27-vjeçari, theu masën e sigurisë “Arrest në shtëpi”, për të shkuar në një tabakino në pronësi të tij, vend ku tregtonte dhe lëndën narkotike.

Gjatë kontrolleve në biznesin privattë këtij shtetasi, si dhe në banesën e tij, u gjet dhe u sekuestrua në cilësinë e provës materiale, një sasi lënde e dyshuar narkotike kokainë e ndarë në doza të gatshme për shitje.

Gjykata i kishte caktuar 27-vjeçarit masën e sigurisë “Arrest në shtëpi”, pasi më datë 19.01.2022 u kap nga Policia e Fierit teksa ushtronte po të njëjtën vepër penale, atë të shitjes me doza të vogla të lëndës narkotike në biznesin privat.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Prodhimi dhe shitja e narkotikëve”, “Përshtatja e lokalit për përdorim droge” dhe “Largimi i të burgosurit nga vendi i qëndrimit”.

LEXO GJITHASHTU:

• Shkëmbim zjarri në kufirin Kosovë-Shqipëri, qëllohen me armë policët, 6 të arrestuar
• Mbytet anija me emigrantë në Mykonos, humbin jetën 3 persona