Përfaqësuesi i grupit të Alibeajt: Si do veprojmë përballë kandidatëve të Berishës

Rezart Kthupi ka treguar se si  do të marrë pjesë grupimi i Enkelejd Alibeaj në zgjedhjet e 14 majit. Ai ka thënë se  ky grupim do të nxjerrë kandidatët e tij në ato bashki ku mendon se kandidati i dalë prej tyre ka më shumë mundësi të fitojë se sa kandidati i dalë nga primarët duke i dalë kështu përballë kandidatëve të Berishës.

“Kush është oferta që i është bërë fraksionit tjetër në lidhje me kandidatët. Oferta ka qenë, kandidatët e primarëve, ata që ne i konsiderojmë kandidatë të vlefshëm dhe potencialisht fitues mund të vinë dhe të kandidojnë me logo.

Aty ku ne diskutojmë apo kemi presupozimin se kemi kandidatë më të mirë, hajde të diskutojmë se kandidati që ne paraqesim është më i mirë se i juaj. Në këto kushte në bashkitë ku ne diskutojmë se mund të fitojmë me kandidatin që kemi normalisht do dalim me kandidat, pse mos të dalim me kandidatë”, tha për Euronews Albania Rezart Kthupi.