Përfaqësuesja e PD: Bileta elektronike? E premtoi Veliaj, e realizojmë ne

Kandidatja e Partisë Demokratike për këshillin bashkiak të Tiranës, Enriketa Papa tha se nëse fitojnë Bashkinë e Tiranës do realizojnë një nga premtimet e pa mbajtura të Erion Velisë.

Ajo tha se ata synojnë një ulje me 50% të taksave bashkiake dhe një nga gjërat që do i ndihmojë për të arritur këtë është bileta elektronike për linjat e autobusëve urban të Tiranës.

“Është një premtim që e ka bërë Erion Veliaj në 2015. Transporti që ne ofrojmë ka të bëjë me një shërbim që është efikas, me një biletë. Nëse sot e paguajmë biletën e një kursi 40 lekë ne mund të ofrojmë këtë biletë për një orë, ku ti mund të ndryshosh linja autobusësh të ndryshëm me një çmim bilete ekonomike.

Çmimin do e caktojë vlerësimi ekonomik, por ju siguroj që do jetë shumë ekonomike dhe i shkon për shtat propozimit tonë për ulje taksash. Ne propozojmë 50% të uljeve të taksave bashkiake”,-tha Enriketa Papa.

LEXONI GJITHASHTU:

• Vranë rivalin pas sherrit për kanabisin, shqiptarët marrin dënim të përjetshëm
• Aldo Merkoci: Erion Veliaj ka avantazh në zgjedhje, ja pse