Përfshihet nga flakët qendra për të moshuarit në Kavajë

Një qendër të moshuarish në qytetin e Kavajës është përfshirë nga flakët pasditen e kësaj të hëne. Policia bën me dije se si pasojë e zjarrit ka mbetur e dëmtuar lehtë një e moshuar në këtë qendër.

Sipas informacioneve paraprake flakët janë mundur të neutralizohen pas ndërhyrjes së ekipit të zjarrfikësve.

Ndërkohë që grupi hetimor dhe policia kanë nisur punën për zbardhjen e plotë të rrethanave të rënies së zjarrit.

“Më datë 23.01.2023, dyshohet se aksidentalisht ka rënë zjarr në një qendër për të moshuar.

Si pasojë është dëmtuar lehtë një e moshuar që qëndron në këtë qendër.

Zjarri është shuar pas ndërhyrjes së shërbimeve zjarrfikëse”, thuhet në njoftimin e policisë.