Përfundon kampionati gjerman, Bayern feston titullin e 30-të, Werder Bremen eviton rënien

Ka përfunduar këtë të shtunë kampionati gjerman. Werder Bremen ka arritur që të evitojë rënien direkte nga Bundesliga, pasi në javën e fundit mundi 6-1 Koln, ndërsa rivalët e Dusseldorf u mundën në transfertë nga Union Berlini.

Skuadra e Milot Rashicës tashmë duhet t’i bëjë llogaritë në play out. Përveç Dusseldorf edhe Paderborn, do të luajnë një ligë më poshtë edicionin e ardhshëm.

Bayern në anën tjetër festoi titullin e 30-të në histori. Kampionët e kishin siguruar matematikisht vendin e parë që prej disa javës, por pasditen e së shtunës morën dhe trofeun. Robert Levandofski në anën tjetër për të pestin edicion radhazi u shpall si shënuesi më i mirë i kampionatit gjerman. polaku shënoi dhe në takimin e fundit me Wolfsburg, teksa shënoi nga pika e bardhë e penalltisë golin e tretë të ndeshjes.

Sa i takon verdikteve të tjera, Dortmund, Laipcig dhe Borussia Mönchengladbach do të shoqërojnë Bayern në Champions, ndërsa Hoffenheim, Wolfsburg do të angazhohen në Europa League.