Përfundon numërimi në Kavajë: Fiton bindshëm Partia Demokratike

Ka përfunduar procesi i votimit dhe numërimit të votave në bashkinë e Kavajës, ku Koalicioni Partia Demokratike – Aleanca për Shqipërinë Madhështore (PD-ASHM) ka dalë forcë e parë me 10,626 vota, që përbëjnë 53.75% të totalit.

Në vend të dytë renditet Partia Socialiste e Shqipërisë (PS) me 7,727 vota, ose 39.08%, ndërsa Partia Socialdemokrate (PSD) është forca e tretë në këtë bashki me 384 vota (1.94%).

Renditja e plotë e subjekteve politike në Kavajë është si më poshtë:

• PD – Aleanca për Shqipërinë Madhështore (PD-ASHM) – 10,626 vota (53.75%)
• Partia Socialiste e Shqipërisë (PS) – 7,727 vota (39.08%)
• Partia Socialdemokrate (PSD) – 384 vota (1.94%)
• Partia Mundësia – 357 vota (1.81%)
• Koalicioni Nisma Shqipëria Bëhet (NISMA-SHB) – 279 vota (1.41%)
• Lëvizja Bashkë (BASHKË) – 206 vota (1.04%)
• Partia Koalicioni Euroatlantik (KEA) – 94 vota (0.48%)
• Koalicioni Djathtas për Zhvillim (DZH) – 32 vota (0.16%)
• Partia Aleanca Kombëtare Shqiptare (AKSH) – 32 vota (0.16%)
• Lëvizja Atdheu (LA) – 30 vota (0.15%)
• Partia Aleanca Demokracia e Re (ADR) – 4 vota (0.02%)

Rezultati tregon një epërsi të qartë të PD-ASHM në Kavajë, një nga bastionet tradicionale të së djathtës në vend, ndërkohë që pjesëmarrja e forcave të treta ka qenë simbolike dhe pa ndikim.

LEXONI GJITHASHTU:

• Përfundon numërimi i votave në Dibër: PS ruan epërsinë, ndarja e mandateve
• Refuzohet kutia e votimit të burgut në Durrës, i kalon për verifikim KQZ-së