Refuzohet kutia e votimit të burgut në Durrës, i kalon për verifikim KQZ-së

Burime të sigurta nga Institucioni i Ekzekutimit të Vendimeve Penale në Durrës bëjnë me dije për Euronews Albania se nga 195 të dënuar që figurojnë në listën e zgjedhësve, kanë votuar 193 prej tyre.

Dy të burgosur nuk kanë mundur të marrin pjesë në votim, pasi ndodheshin jashtë ambienteve të IEVP-së në momentin e procesit.

Në total janë përdorur 198 fletë votimi, pasi përveç të dënuarve, kanë votuar edhe 5 anëtarë të komisionit të qendrës së votimit, pasi komisioni voton aty ku ka qëndrën e votimit.

Megjithatë, duke qenë se në listë figurojnë zyrtarisht vetëm 195 votues, rezultati i kësaj qendre nuk është pranuar ende dhe do t’i kalojë për verifikim dhe vendimmarrje Komisionit Qendror të Zgjedhjeve.