Përfundon numërimi në qarkun e Kukësit, PD merr dy mandate

Ka përfunduar procesi i numërimit në qarkun e Kukësit, ku në bazë të shifrave zyrtare të publikuara nga KQZ dhe të pasqyruara nga Euronews Albania, rezulton fitimtare Partia Demokratike. -Kliko këtu për të parë hartën interaktive

Nga ky proces, partia më e madhe opozitare ka marrë 24071 vota ose 62.27% të konvertuara në përqindje. Ndërsa 35.84% e votave kanë shkuar për Partinë Socialiste dhe forcë e tretë ka dalë PSD, partia e Tom Doshit, me 0.47% të votave.

Të përkthyera në mandate, kemi dy mandate për PD-në dhe një për PS-në, nga tre në total që ka qarku i Kukësit.

Me 141 qendra votimi, Kukësi është qarku më i vogël në vend dhe është qarku i parë ku ka mbaruar procesi i numërimit.