Përfundon vizita e kryeministrit Rama në Durrës, çfarë tërhoqi vëmendjen nga takimi

Vizita e Kryeministrit Edi Rama në Bashkinë e Durrësit ka përfunduar pak minuta më parë, pas një takimi që ka zgjatur rreth një orë.

Gjatë takimit, Rama është pritur nga kryetarja e Bashkisë, Emiriana Sako, por ajo që ka tërhequr vëmendjen ka qenë atmosfera e ftohtë mes të dyve.

Burime nga takimi bëjnë me dije se në mbledhje ishin të pranishëm drejtuesit e institucioneve që varen nga Bashkia e Durrësit, si dhe disa deputetë që po mbyllin mandatin aktual dhe ata që do të bëhen pjesë e legjislaturës së re. Ndër të pranishmit ishin: drejtorët e Policisë Bashkiake Vasil Copa, drejtorët e Shërbimeve Ardian Ilazaj, drejtoresha e Buxhetit Valbona Dako, drejtoresha e Çështjeve Juridike Ani Rroshi dhe drejtoresha e Burimeve Njerëzore Dhurata Gjoka.

Një informacion i rëndësishëm që është bërë i ditur pas takimit është se Kryeministri Rama ka kërkuar shkarkimin e të gjithë drejtorëve aktualë të Bashkisë së Durrësit, duke vënë theksin tek nevoja për ndryshime.

Megjithatë, vendimi përfundimtar për largimin e drejtorëve do të mbetet në dorën e kryebashkiakes Emiriana Sako, e cila do të bëjë vlerësimin bazuar në performancën e secilit prej tyre.

LEXONI GJITHASHTU:

• A mund t’i japë votën Salianjit për Sekretar të Përgjithshëm? Përgjigjet Luan Baçi
• Ermal Dredha firmos dorëheqjet e drejtuesve të bashkisë së Vlorës