Përleshje fizike mes disa personave në Gjakovë, plagoset me thikë i mituri

Disa të mitur janë përfshirë këtë të martë në një përleshje fizike në Gjakovë. Ky konflikt ka agravuar në përdorimin e thikave ku si pasojë është plagosur një person. Ngjara ka ndodhur rreth orës 12:30, në rrugën “Beqir Kastrati”.

Zëdhënësja e Policisë për rajonin e Gjakovës, Vlera Krasniqi konfirmoi plagosjen e të miturit dhe shtoi se ai ka marrë ndihmë mjekësore në QKUK.

Krasniqi shtoi se i plagosuri dhe një prej të dyshuarve janë marrë në pyetje nga policia lidhur me ngjarjen. Policia po kryen veprimet hetimore me qëllim të zbardhjes së plotë të rrethanave të ngjarjes.