Përmbyllet rinumërimi i 106 kutive të Tiranës, si pritet të vijojë procesi

Është mbyllur rinumërimi i kutive për këtë të shtunë në ambientet e pallatit të sportit “Farije Hoti”, ku 24 grupet e ngritura nga Komisioni Qendror i Zgjedhjeve arritën të përmbyllin rinumërimin e 106 kutive të Tiranës.

Pavarësisht se rinumërimi ka përfunduar për këto kuti, ende nuk ka pasur ndryshime në shpërndarjen e mandateve, si për ato që iu janë caktuar subjekteve politike, ashtu edhe për mandatet e listës së hapur të kandidatëve të Partisë Socialiste dhe Partisë Demokratike.

Në katër ditët e para të rinumërimit, grupet arritën të përpunonin rreth 35% të kutive të qarkut të Tiranës. Rinumërimi nisi me kutitë e bashkisë Kamëz dhe rrethinat e Tiranës, duke kaluar më pas në qytetin e Tiranës. Procesi do të vijojë dhe përmbyllet me rinumërimin e kutive në fund të Kavajës dhe Rrogozhinës.

Rinumërimi i kutive do të vazhdojë nga e hëna, me turne të zakonshme nga ora 09:00 deri në 21:00.