Përmbytjet, Basha thirrje strukturave të opozitës të ndihmojnë njerëzit: Rama të largohet

Kryetari i Partisë Demokratike Lulzim Basha në një reagim për mediat tha se për situatën e përmbytjeve në zonat perëndimore të vendit duhet ndërhyrje konkrete nga qeveria.

“Vazhdoj t’i bëj thirrje gjithë strukturave tona, të bëjnë ç’është e mundur për t’i ndihmuar njerëzit dhe uroj, shpresoj dhe kam besim shumë të madh që edhe ky mësim i sotëm i një qeverie dhe një kryeministri të mbytur në dështimet të njëpasnjëshme,” – tha Basha.

Kryetari i PD-së tha se qindra, mijëra banorë janë nën ujë, u mungojnë shërbimet bazë si uji i pijshëm, ushqimet apo dritat.

“Janë pa medikamente dhe nuk po flas vetëm për zonën e Shkodrës por po flas edhe për zonat rreth e qark Tiranës, Durrësit dhe të gjithë ultësirën Perëndimore. Jemi përpjekur të bëjmë gjithçka,” – vijoi më tej Basha.

Numri një i PD-së ia faturoi qeverisë situatën e përshkallëzuar të përmbytjeve ndërsa e konsideroi si të “paturpë” daljen në një konferencë për shtyp të qeverisë duke thënë se situata qe përballuar me sukses.

Lexoni gjithashtu:

‘Përmbytjet’, përplasin në distancë Bashën dhe Ramën

Përmbytjet, Rama: Banorët do dëmshpërblehen sipas ligjit, dëmet janë minimale

Rama: Ndërtimi i hidrocentralit të Skavicës do t’i japë fund frikës nga përmbytjet