Përmbytjet, Rama: Banorët do dëmshpërblehen sipas ligjit, dëmet janë minimale

Gjatë konferencës me gazetarët për situatën e përmbytjeve, kryeministri Edi Rama u pyet nga gazetarja e Euronews Albania, Eksiola Shehu nëse do të ketë dëmshpërblime për banorët e zonës së nën-Shkodrës. 

Kreu i shtetit u shpreh se dëmshpërblimet do jepen sipas ligjit.

“Sipas ligjit, por siç e patë numri i banesave që rezultojnë të dëmtuara është krejt minimal. Ju takon bashkive të bëjnë vlerësimet dhe do të takojmë ato që na takon. Nuk ka asnjë problem”, tha kreu i qeverisë.

“Ka edhe një element tjetër në zonën e Obotit ku është e vetmja pikë që ka pasur problematikë për transportin për bagëtinë në aspektin e ushqimit. Ushqimi u është garantuar nga ministria e Bujqësisë të gjithë fermerëve për të ushqyer bagëtitë për 10 ditë. Tokat e përmbytua këtë herë janë jo-produktive”, u shpreh ai më tej.

Rama theksoi se edhe dëmet e përmbytjeve të vitit 2010 i ka paguar qeveria e tij. 

“Edhe dëmet e viti 2010 i kemi paguar ne”, përfundoi ai. 

Euronews Albania e pyeti kryeministrin Edi Rama se “A është krye-negociator i konfliktit turko-grek?”, por kreu i qeverisë refuzoi të përgjigjej. 

Lexoni gjithashtu:

Rama: Ndërtimi i hidrocentralit të Skavicës do t’i japë fund frikës nga përmbytjet