Përndiqte 13-vjeçaren dhe motrën e saj në rrjete sociale, arrestohet 1 person (Emri)

Drejtori i Drejtorisë Vendore të Policisë Tiranë Tonin Vocaj, tha në një deklaratë për shtyp Hajrulla Kamani, banues në Durrës është arrestuar.

Ky person dyshohet se përndiqte një të mitur 13 vjeçare në rrjete sociale dhe motrën e saj. E mitura nga presioni  ishte larguar nga banesa. Kamani akuzohet për dy vepra penale, përndjekje dhe falsifikim kompjuterik.

“Sektori për Hetimin e Krimeve Kibernetike në vijim të punës hetimore për parandalimin dhe goditjen e veprave penale në fushën e krimeve kibernetike, ka administruar kallëzim nga një shtetase, banuese në qytetin e Tiranës, se në mënyrë të vazhdueshme është përndjekur në rrjete të ndryshme sociale, së bashku me motrën e saj të mitur, nga adresa të dyshuara të falsifikuara, nga një shtetas i paidentifikuar.

Si rezultat i presionit të ushtruar nga këto profile të falsifikuara e mitura 13 vjeçe është larguar nga banesa.
Gjendur në këto kushte të ngushtme, me qëllim parandalimin e përshkallëzimit të mëtejshmëm të situatës, pas një pune të mirëfilltë hetimore brenda një kohë rekord, është bërë i mundur identifikimi dhe kapja e autorit të dyshuar të kësaj veprimtarie kriminale.

Në vijim të veprimeve hetimore u arrestua shtetasi Harulla Kamani, 21 vjeç, banues në Durrës, për veprat penale”Përndjekja” dhe “Falsifikimi kompjuterik”, parashikuar nganenet 121/a dhe 186/a të Kodit Penal.
Gjithashtu, është bërë e mundur gjetja e vajzës së mitur e cila është në gjendje të mirë shëndetësore dhe aktualisht ndodhet pranë familjes së saj”,-tha Vocaj.

LEXONI GJITHASHTU:

• Dorëzohet një prej autorëve të dhunimit të avokatit, Vocaj: 20 mijë euro për këdo…
• “I arratisuri me shenja depresioni”-psikiatri kritikon deklaratën e Tonin Vocajt