Përpjekja për ‘pavarësi’, nga Rusia, Spanja miraton planin e kursimit të energjisë

Parlamenti i Spanjës miratoi të enjten rregullat për kursimin e energjisë, të cilat përfshijnë kufizime në përdorimin e ajrit të kondicionuar, si pjesë e një përpjekjeje të gjerë të BE-së për të reduktuar varësinë nga gazi rus.

Qeverisë së koalicionit të pakicës së kryeministrit socialist, Pedro Sanchez, i mungon shumica në parlament, por ajo arriti të miratojë rregullat me mbështetjen e partive më të vogla rajonale.

Sipas dekretit të qeverisë, ajri i kondicionuar duhet të reduktohet dhe të vendoset në jo më të ulët se 27 gradë celsius gjatë muajve më të ngrohtë të vitit, në rregulla që prekin gjithçka, nga transporti publik deri te dyqanet, zyrat, teatrot dhe kinematë.

Rregullat e reja nuk zbatohen për ajrin e kondicionuar në shtëpi, megjithëse qytetarët inkurajohen të kursejnë energji.

LEXONI GJITHASHTU:

• Spanja nis kursimin e energjisë, kufizohen kondicionerët, fiken vitrinat e dyqaneve
• Italia redukton varësinë nga gazi rus