Përplaset i mituri me biçikletë, jashtë rrezikut për jetën

Një aksident rrugor është shënuar mbrëmjen e së martës në fshatin Mylte të Lezhës, ku një automjet është përplasur me një biçikletë që drejtohej nga një fëmijë.

Ngjarja ka ndodhur rreth orës 19:40. Sipas burimeve zyrtare, automjeti i drejtuar nga shtetasja D. N., 39 vjeçe, është përplasur me biçikletën që lëviste një shtetas i mitur, rreth 12 vjeç.

Si pasojë e përplasjes, i mituri ka pësuar dëmtime dhe është transportuar menjëherë në Spitalin Rajonal të Lezhës. Fatmirësisht, ai ndodhet jashtë rrezikut për jetën.

Drejtuesja e mjetit është shoqëruar në Komisariatin e Policisë për veprime të mëtejshme procedurale, ndërkohë që grupi hetimor ndodhet në vendngjarje dhe po punon për të zbardhur rrethanat e plota të aksidentit.

LEXONI GJITHASHTU: 

• KPA shkarkon nga detyra prokurorin e Fierit

• Shqipëria, me ritmet më të ulëta të rritjes së investimeve të huaja në rajon më 2024