Përplaset me trafikndarësen, shpërthen në flakë makina

Një aksident i rëndë ka ndodhur në qytetin e Elbasanit në orët e para të mëngjesit të kësaj të premteje. Korrespondenti i Euroneës Albania bën me dije se një makinë është perplasur me trafikndarësen dhe ka shpërthyer në flakë. Në vendngjarje ka shkuar policia dhe zjarrëfiksja e ndërsa drejtuesi i mjetit ka arritur të dalë nga makina pa pësuar dëmtime.

Ngjarja ka ndodhur rreth orës 05.00 të mëngjesit në unazën jugore të qytetit të Elbasanit. Makina është përplasur me një trafikndarëse që shërben në vendin ku prej muajsh po ndërtohet një nënkalim që lidh qytetin me varrezat.

Grupi hetimor dhe policia ndodhen në vendngjarje dhe po punojnë për zbardhjen e rrethanave të aksidentit.

LEXONI GJITHASHTU: 

• Aksident në Durrës, humb jetën 66-vjeçari
• Shkaktoi aksidentin me vdekje në Tiranë, arrestohet 19-vjeçari