Përplasja e Dritan Lelit për buxhetin, i refuzohen paratë shtesë për kulturën

Fondi për aktivitetet kulturore në Vlorë është bërë shkak i përplasjes mes Dritan Lelit dhe këshilltarëve bashkiak.

Bashkia e Vlorës ka kërkuar një fond shtesë  për aktivitetet kulturore ku përfshiheshin edhe festimet për 110 vjetorin e pavarësisë, por një kërkesë e tillë nuk është pranuar nga Këshilli bashkiak, me motivacionin se nuk kanë qenë të specifikuara se nga vijnë këto fonde dhe për çfarë do të përdoren ato konkretisht.

Gazetarja e Euronews Albania, Erbieta Maçaj, bën me dije se bëhej fjalë për një fond prej 90 milionë lekësh të cilët këshilltarët e kanë refuzuar si kërkesë.

Sakaq deri më tani, nuk ka pasur një reagim të bashkisë në lidhje me vendimin e Këshillit bashkiak.

Këshilltarët bashkiak të pyetur se a do të lihen pa aktivitete dhe festime bashkia e Vlorës janë shprehur se mbase do të ketë një kërkesë tjetër nga Bashkia e Vlorës.

LEXONI GJITHASHTU: 

• Uji i përmbyt shtëpinë, qytetari nga Shkodra: Ka 30 vite që s’pastrohen kanalet