Përplasje mes komisionerëve në Fier, kur do rifillojë numërimi i votave

Në KZAZ 90 në Fier numërimi i votave u ndërpre, për shkak të lodhjes së numëruesve, fillimisht u tha se kjo KZAZ do të rikthehej në punë të nesërmen në orën 8:00 të mëngjesit të nesërm, por tashmë orari ka ndryshuar.

Kjo ka shkaktuar përplasje mes numëruesve dhe vëzhguesve në dy kampet PS dhe PD, duke qenë se ata nuk ranë dakord për një orar, do ta vijojnë numërimin e votave në orare të ndryshme.

“Vendosëm me shumicë votash që për disa orë dhe në respektim të kodit zgjedhor të ndërpresim numërimin dhe të fillojmë punën në orën 16:00 të ditës së sotme. Ky është vendimi i KZAZ dhe ka të bëjë vetëm me pjesën e lodhjes”,-tha kryetari i KZAZ në Fier.

“Ne propozuam që të gjithë anëtarët e KZAZ të paraqiten në orën 18:00. Nuk ramë dakord, kështu që të gjithë anëtarët tanë të KZAZ numërues dhe vëzhgues do të paraqiten në orën 18:00 ndërsa pala tjetër në orën 16:00”,-tha zëvendëskryetarja nga ana e Partisë Demokratike.