Rriten tensionet diplomatike mes Serbisë dhe Kroacisë. Shkak është bërë deklaratat e ministrit të Jashtëm kroat, i cili e quajti presidentin Vuçiç, një satelit të Vladimir Putin në Ballkan.
Ministri i Jashtëm kroat Gordan Grliç-Radman e quajti presidentin serb Aleksandar Vuçiç satelit rus, të cilin Vuçiç e vlerësoi si fyerje për qytetarët e Serbisë.
Në një interviste për televizionin RTL, ministri kroat ka theksuar se Serbia po krijon tensione në rajon duke nxitur probleme me të gjithë fqinjët.
Sipas kryediplomatit Kroat, Serbia nuk po promovon marrëdhënie miqësorë në rajon, por po ndjek linja të Rusisë. Ai e quajti Aleksandar Vuçiç një satelit të presidentit rus, Vladimir Putin. Reagimi vjen pak kohë pas përplasjeve të forta diplomatike mes dy vendeve lidhur me shërbimet sekrete. Zagrebi refuzoi pak kohë më parë ambasadorin e ri të Serbisë.
Në një përgjigje në rrjetin social Instagram, Vuçiç akuzoi kryediplomatin kroat se po fyen qytetarët e Serbisë. Sipas tij, Kroacia po ndërhyn në punët e Brendshme të Serbisë dhe
Pas reagimit të Vuçiç ministria e Punëve të Jashtme të Serbisë i dërgoi notë proteste Ambasadës së Kroacisë në Beograd, lidhur me deklaratat e ministrit.
Ministria theksoi se deklarata e Grliq Radmanit është krejtësisht e papranueshme dhe se deklaratat në fjalë paraqesin vazhdimësi të mëtutjeshme të ndërtimit të një atmosfere të urrejtjes ndaj Serbisë dhe popullit serb dhe cenojnë politikën e përbashkët për promovimin e paqes dhe stabilitetit në rajon.
Edhe kryeministrja serbe i cilësoi deklaratat si gjest të papranueshëm.
LEXONI GJITHASHTU:
