Përshtatën lokalin për shitje dhe përdorim të lëndëve narkotike, arrestohen 2(Emrat)

Donald Tringa dhe Diamant Shkina janë arrestuar në saj të operacionit “Repeat”. 27-vjeçari Tringa kishte përshtatur lokalin që administronte, për përdorim dhe shitje të lëndëve narkotike.

Ndërkohë Shkina i punësuar në mënyrë të paligjshme, si bodyguard, ishte personi që ua shiste lëndën narkotike kokainë, klientëve të lokalit.

Gjatë kontrollit të policisë janë sekuestruar një sasi lënde narkotike kokainë dhe një përforcues grushti.

Njoftimi i policisë:

Në vijim të goditjeve të njëpasnjëshme ndaj prodhimit dhe shitjes së lëndëve narkotike, si dhe në bazë të informacioneve të siguruara nga inteligjenca policore, në kuadër të megaoperacionit të koduar “Tempulli”, se një lokal në lagjen nr. 13, ishte përshtatur për përdorim dhe shitje të lëndëve narkotike, specialistët për Hetimin e Narkotikëve të DVP Durrës finalizuan operacionin policor të koduar “Repeat”.

Nga ndërhyrja e menjëhershme në ambientet e lokalit, shërbimet e Policisë arrestuan në flagrancë shtetasit D. T., 27 vjeç dhe D. Sh., 33 vjeç, të dy banues në Durrës. 27-vjeçari kishte përshtatur lokalin që administronte, për përdorim dhe shitje të kokainës, ndërsa shtetasi D. Sh., i punësuar në kundërshtim me ligjin, bodyguard në këtë lokal, ua shiste këtë lëndë narkotike, klientëve të lokalit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Shpërthen në flakë një makinë në tunelin e Skërficës, detajet e para
• Kaloi katër vite në arrati, arrestohet i shumëkërkuari Spartak Çela (Foto)