Një automjet është përfshirë nga flakët në hyrje të tunelit të Skërficës, në rrugën kombëtare Kardhiq-Delvinë.

Flakët u shfaqen rreth orës 21.00, në automjetin tip Benz Klas me targa AA515OY, në pronësi të shtetasit me inicialet K.Sh.Menjëherë në vendngjarje ka mbërritur Shërbimi Zjarrfikës i Gjirokastrës ndërsa efektivët konstatuan se automjeti ishte përfshirë plotësisht nga flakët.

Zjarrfikësit ndërhynë duke hedhur ujë për shuarjen e zjarrit. Shkaku i zjarrit mendohet të jenë temperaturat e larta dhe tejnxehja e mjetit gjatë udhëtimit.