Përveç kolegjit turk mbyllet dhe kopshti “Zubeyde Hanim”, shqetësohen prindërit

Përveç kolegjit turk “Mehmet Akif”, Ministria e Arsimit ka mbyllur edhe kopshtin ‘Zubeyde Hanim”.

Prindërit të shqetësuar në emisionin “Sot” në Euronews Albania u shprehën se kopshti është mbyllur pa asnjë arsye .

Ata theksuan se nuk kanë parë asnjë problematikë në kopsht ndërsa shtojnë se u duket e kot arsyeja e mbylljes.

Më tej ata treguan se kanë zhvilluar dhe një takim me zyrtarë të Ministrisë së Arsimit, por që janë zhgënjyer.

“Mësimi do filloj deri sa të merret një vendim i formës së prerë nga isntitucionet ligjizbatuese.”- tha Vanina Çala.

“Na ka ardhur papritur një vendim se kopshti do të mbyllet. Unë me vendimin jam njohur sot. Kam shkuar direkt te  Ministria e Arsimit për të marrë sqarim. Arritëm që 5 persona të futeshim brenda. Është një shqetësim shumë i madh. U takuam me Alçi Kushi, sekretar i përgjithshëm i Ministrisë që shfaqet si nënshkruesi i këtij akti për të mbyllur këtë institucion. Ne nuk kishim asnjë problematikë ndaj kopshtit”- tregoi Ilir Gashi.

“Ne na ka ardhur vendimi të  mërkurën. Institucionet nuk kanë paraqitu asnjë problem.  Rasti i kopshtit është ndryshe nga kolegji.

Ishin ca sqarime që nuk kishin  bazë. Nuk e di se si i japin këto vendime  që ne si prindër nuk kemi asnjë lloj problemi. Ne mbi të gjitha shikojmë arsimin, trajnimin e mësuesve që është  aty. Jemi shumë të shqetësuar se si pritëm sot. Zhgënjim total”- nënvizoi ndër të tjera Vehipe Laçi.

LEXONI GJITHASHTU: 

• Mbyllja e kolegjit turk, Likaj: Ministria e Arsimit duhet të përgjigjet për nxënësit
• Mbyllja e kolegjit turk, Likaj: Do ndjekim procedurat ligjore në gjykatë