Petrit Vasili: Reforma zgjedhore nuk prodhon asnjë ndryshim pa vullnet politik

Reforma zgjedhore nuk mjafton që të ketë zgjedhje të lira dhe të ndershme, sipas nënkryetarit të LSI-së, Petrit Vasil.

Ai thotë se vetëm vullneti politik mund të garantojë zgjedhje të rregullta.

“Nëse ka vullnet politik për zgjedhje të lira, bëhen. Nëse jo, bëjnë sikur bëjnë ndryshime” u shpreh Petrit Vasili.

Por si formësohet vullneti politik?

Sipas nënkryetarit të LSI-së, nëse ligji nuk zbatohet, atëherë vetëm presioni popullor mund të bëjë të mundur formësimin e vullnetit politik.

Gjithsesi reforma zgjedhore do e kishte një funksion, sipas z. Vasili, që është sistemi proporcional zgjedhor, i cili do të mundësonte një ndryshim në raportin numër votash-mandate, ku mandatet të llogariten në bazë të numrit të votave.

“Qytetarët, me sasinë e votave të prodhojnë ata përfaqësues që zgjedhin. Jo të votohet dhe përmes trukeve të t’i përvetësojnë votat të tjerë”, u shpreh Petrit Vasili.

LEXONI GJITHASHTU:

• Reforma zgjedhore rikthehet në Kuvend, opozita del me propozime konkrete