Deputeti i Partisë Socialiste, Petro Koçi deklaroi se është e pamundur që koalicioni mes Sali Berishës dhe Ilir Metës, të dalë fituese në zgjedhjet lokale të 14 majit.

Në emisionin “Now” në Euronews Albania, Koçi u shpreh se Berisha dhe Meta janë e shkuara dhe se PS është fuqia e ndryshimit.

Sipas Koçit, opozita nuk është në terren, ashtu si në zgjedhjet e vitit  2019, ku nuk mori pjesë.

“Lidhja e një koalicioni me Ilir Metën e bën edhe më të pamundur fitoren e kësaj opozite. Ky çift, vetëm Berisha-Meta është një ftesë për t’u kthyer mbrapa. Me këtë përballje, PS dhe në krahun tjetër Berisha-Meta, ndryshimi është i madh. Fuqia e ndryshimit mbetet Edi Rama”, theksoi ai.

LEXONI GJITHASHTU

• Anëtari i kryesisë së PD: Rama s’do jetë më kryeministër, kemi shanse që të fitojmë
• Petro Koçi: Kur flet Berisha më kujton Bashën, s’ka ndërmënd të fitojë zgjedhjet
• Koka-Sulës: 7 herë ke votuar Ramën, je bërë fasadë. Keni dy vite që takoni Ballën