Pezullimi i funksionarëve publik/ Zbardhet projektligji për ndryshimin e nenit 242 në Kodin e Procedurës Penale

Kuvendi i Shqipërisë ka zbardhur projektligjin për ndryshimin e nenit 242 të Kodit të Procedurës Penale, një iniciativë ligjore që ka lindur pas vendimeve të fundit të Gjykatës Kushtetuese dhe SPAK për pezullimin e zëvendëskryeministres dhe ministres së Infrastrukturës, Belinda Balluku.

Sipas dokumentit zyrtar, ndryshimi i propozuar në nenin 242, pikën 2, parashikon që masa e pezullimit të mos zbatohet ndaj një grupi funksionarësh të lartë shtetëror. Teksti i ri specifikon se përjashtohen nga kjo masë: Presidenti i Republikës, Avokati i Popullit, Kryeministri, zëvendëskryeministri dhe ministrat, anëtarët e Gjykatës Kushtetuese, dhe Kryetari i Kontrollit të Lartë të Shtetit.

Ligji, sipas projektit, do të hyjë në fuqi 15 ditë pas botimit në Fletoren Zyrtare, dhe është nënshkruar nga Kryetari i Kuvendit, Niko Peleshi.