Pije kontrabandë nga Kosova, pranga 54-vjeçarit dhe doganierit në Qafë Morinë

Sektori për Hetimin e Krimeve Ekonomike dhe Financiare, në bashkëpunim me Komisariatin e Policisë Tropojë kanë arrestuar një 54-vjeçar për kontrabandë mallrash.

Në pranga janë vënë  shtetasit A. K., 54 vjeç, banues në Bajram Curri në automjetin e të cilit janë gjetur 103 kuti me pije alkoolike dhe energjike.

Gjithashtu, u vu në pranga shtetasi D. S., 46 vjeç, banues në Zogaj, Tropojë, me detyrë doganier pranë PKK Qafë Morinë, për veprën penale “Shpërdorimi i detyrës”, pasi dyshohet se ka shpërdoruar detyrën duke mos kryer veprimet doganore ndaj mjetit tip “Volkswagen” me drejtues shtetasin A. K., i cili transportonte mallrat nga Kosova drejt Shqipërisë.

“Gjatë operacionit, në hyrje të PKK Qafë Morinë, si rezultat i kontrollit të ushtruar nga shërbimet e DVP Kukës, në automjetin me drejtues shtetasin A. K., u gjetën dhe u sekuestruan në cilësinë e provës materiale 103 kuti me pije alkoolike dhe energjike (mallra për të cilat paguhet akcizë), të kontrabanduara në Shqipëri. Në përfundim të veprimeve u arrestua në flagrancë shtetasi A. K., 54 vjeç, banues në Bajram Curri. Gjithashtu, u arrestua në flagrancë shtetasi D. S., 46 vjeç, banues në Zogaj, Tropojë, me detyrë doganier pranë PKK Qafë Morinë, për veprën penale “Shpërdorimi i detyrës”, pasi dyshohet se ka shpërdoruar detyrën duke mos kryer veprimet doganore ndaj mjetit tip “Volkswagen” me drejtues shtetasin A. K., i cili transportonte mallrat nga Kosova drejt Shqipërisë”, bëri me dije policia.