Pinë ujë nga shishja e ambalazhuar, si u helmuan nënë e bir dhe kamarieri

Tre persona përfunduan në spital në Shkodër me djegie të ezofagut dhe stomakut pasi konsumuan ujë në një lokal.

Gazetari i Euronews Albania Teodor Gjerga raportoi se nënë e bir, 41 dhe 14 vjeç kanë ndjerë menjëherë djegie të forta në fyt sapo kanë konsumuar nga një shishe me ujë i ambalazhuar që u është sjellë nga kamarieri i lokalit.

Pasi i kanë treguar kamarierit, ai është shprehur mosbesues duke u thënë se shishja ishte e ambalazhuar, ndaj e kishte provuar edhe vetë, por kishte përjetuar të njëjtat simptoma si nënë e bir.

Gazetarin Gjerga raportoi se bëhet fjalë për një shishe uji prej qelqi, nga një prej kompanive më të njohura që shpërndahet në të gjithë vendin.

Uji ka qenë në një koli bashkë me shishe të tjera dhe nuk dihet se si ka përfunduar lënda e dyshuar si acid brenda kësaj shisheje.

Një nga pistat ku po heton policia është edhe konkurrenca mes bizneseve.

LEXONI GJITHASHTU:

• Helmohen nga uji i konsumuar në lokal 3 persona në Shkodër
• Vrau 2 persona në 2020 për parcelat me kanabis, arrestohet 27-vjeçari në Shkodër